ما هي لغة HTML ؟

 الموضوع بسيط جدا وسهل دلوقتي تعالي احكيلك حدوتة او قصة صغيرة . لو انا دلوقتي عاوز ابني بيت فالمفروض ابنيه ب ايه؟ 

ابنية بطوب حلو اوي وزي الفل ف انا مفروض اجيب الطوب وابني الهيكل بتاع البيت وبعد كدة اجيب الدهان والون البيت دة او اعمل الديكور بتاعه عشان يكون شكل البيت حلو . 

طيب احنا كمبرمجين عاوزين نعمل ايه ؟ 

احنا عاوزين نبني موقع ويب زي اي موقع انت بتشوفه على النت , حتي زي موقع اتعلم ببساطة اللى انت بتقرأ عليه حاليا طيب نبني الموقع دة ازاي ؟ 

 HTML دي الطوب بتاع الموقع بتاعنا هو اللى هيخلنا نبني الموقع ب

حلو اوي وزي الفل يبقي لو انا عاوز عمل هيكل للموقع بتاعي او (Page Structure) دة هعمله ب HTML. 

ودة اللى هيخلينا نعرف ايه هي مكونات صفحة الويب . 

مكونات صفحة الويب

تعالي الاول نعرف قصة البيت وبعد كدة نشوف البرمجه دي عاوزة مننا ايه 

دلوقتي لو انا عاوز ابني بيت ف انا لازم اعدي ب 3 خطوات اساسية 

1. اول خطوة اني ابني البيت بطوب 
2. تاني خطوة اني ادهن البيت وازينه واحط فى الحاجات الحلوة واعمله ديكور عشان البيت يكون شكله حلو.
3. تالت خطوة اني احط فى البيت الوظايف اللى هستخدمها زي اني اوصل كهربا للبيت واعمل المايه عشان لما اافتح حنفية ماية فى المايه تشتغل او اني لو دوست على زرار كهربا ينور لمبه , هي دي وظايف البيت . 

تعالي بقي نشوف لو عاوزين نعمل موقع المفروض نعمل ايه 

1. اول حاجة نبني الموقع وهنبيه ب HTML 
2. تاني حاجة نزين الموقع ونخليه شكلة حلو وده بيتعمل بحاجة اسمها CSS
3. تالت حاجه اننا نعمل وظايف فى الموقع زي اني اخلي المستخدم يسجل ايميله ويشترك فى الموقع مثلا والوظايف اللى في الموقع بتتعمل بلغه برمجه اسمها JavaScript 

إصدارات HTML

من بداية ظهور المواقع ولغه HTML بتتطور عشان تسهل على المبرمجين كتابه الكود وتقدم ليهم حاجات تساعدهم انهم يعملوا مواقع احسن واسهل بس اخر اصدار وهو اصدار HTML 5 ودة الاصدار اللى هنتعلمه فى الدورة دي. 

كالعادة متقلقش من اي حاجه كل حاجه هتبقي سهله وبسيطة بجد . 

ماذا سأتعلم في هذه الدورة؟

هنتعلم HTML من تحت الصفر وهنبني مواقع بيها والدورة موجود فيها فيديو تحت كل مقاله عشان الموضوع يكون بسيط جدا وسهل. 

هل أحتاج معرفة أي شيء قبل تعلم هذه الدورة؟

مش محتاج من اي حاجة نهائي ولا حتي تعرف يعني ايه برمجه.